旺角嘅僕之拉麵係旺角區內嘅人氣拉麵店，每次食飯時間路過都會見到一條人龍，作為拉麵控嘅M佬真係忍唔住喇，決定成為人龍一份子！傳說僕之拉麵係肉食者天堂，3倍份量嘅叉燒，餸嘅份量多過麵，店家確實非常大方，大家食起上嚟就唔洗就住就住啦！
炸章魚
章魚即叫即炸，粉章唔會好厚，章魚爽口彈牙，係一個唔錯嘅小食推介。
肉愛食者拉麵
上枱一刻真係好震撼，啲叉燒真係多到跌出嚟呀！叉燒採用西班牙產嘅梅頭肉，以低溫烹調技術，肥瘦度適中，肉味鮮嫩，肉質夠晒軟腍。除左3倍叉燒，呢碗肉愛食者拉麵仲有燒得香口嘅角切叉燒、味荀同味付雞蛋，餸嘅比例超多，夠晒滿足。
